PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Un dia a Calandreta

Calandreta que desvolopa un metòde de pedagogia qui a per mira de balhar la paraula tau mainatge, de’u har vàder autonòme, regular la vita deu grop e de se’n serir tau com agent ensenhaire.

Qu’emplega « institucions » e « apèrs pedagogics » qui van en aqueth sens. Adara quauques uns en tant qu’exemple. La lista n’ei pas exaustiva e n’ei pas de nada manièra ua mustra obligatòria. En efèit, los professors que’nse hèn dab los besonhs deus escolans, de las lors classas.

Lo « Qué de nau ?  » : moment d’escambi enter los mainatges, en cadun e conta causas qu’a hèit o viscut ; qu’ei un moment de paraula on cadun e pòt trobar la soa plaça hens deu grop constituit per la classa.

Lo « Conselh » : lo conselh qu’ei presidit per un escolan qui’u mia, en tot ordenar la paraula dens la classa. Los mainatges e los adultes que i deven arrespectar las règlas : lhevar la man entà demandar la paraula, aténder lo son torn de paraula, escotar los autes quan parlan, non pas trufà’s.
Lo conselh de classa, o d’escòla, qu’ei un moment de regulacion securizat enter totas las personas qui animan la vita vitanta de l’escòla. Entà préner la paraula en conselh, que’s cau rubricar dens informacions, proposicions, questions e demandas, criticas e compliments.

Lo « bilanç meteò » : en fin de dia, los mainatges qu’avaloran d’un gèste lo dia passat : man obèrta per « sorelh », man mieitat obèrta per « nubla » e man barrada per « auratge ».
Aquò que permet a la classa sancera de conéisher la soa temperatura pròpia. E atau cadun que pòt analisar los moments viscuts pendent lo dia au truvèrs de l’espiar deus autes. Lo mainatge ne se’n torna pas entà casa dab un problèma qui’u pèsa. Qu’a la possibilitat de’u deishar a l’escòla.

Los « talhèrs » : los mainatges que causeishen l’activitat qui vòlen har au demiei de mantuas perpausadas ; que retrobam sovent los talhèrs en mairau ; que permeten au mainatge d’entrar tot doç en aquò, a l’escòla e d’i trobar o tornar trobar las soas marcas. Mes que pòden tanben estar hicats en plaça pendent tribalhs de tota l’escòla (Carnaval, projècte d’escòla…) o enqüèra quan i a activitats dab un tèma.

Las « cintas » : que remplaçan lo sistèma d’estima per nòtas ; qu’ei un sistèma d’evaluacion dab colors tà « escalejar ». Aqueth sistèma que permet aus mainatges de s’auto-estimar e d’avalorir çò d’aquesit.Qu’ei ua estima individuau deu mainatge segon las soas avançadas pròpias e non pas ua avaloracion en foncion deu nivèu generau de la classa. Que i a ua progression de cinta per matèria e sovent tà l’agís ». L’escolan que s’avisa de que mestreja la soa progression e de que la pòt visualizar-la.

Los « batalaires » :que son jornaus sancerament creats per l’escòla. Cada classa qu’i participa en foncion de çò qu’i pòt portar. Qu’i pòt aver « tèxtes libres o dessenhs contats », creacions de tot escantilh, entervistas, comptes renduts de sortidas, bilanç d’encontras dab intervienents… En dus mots, qu’ei ua « veirina » deu tribalh hèit peus mainatges de l’escòla e un miralh taus escolans eths medishs.