PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Calandreta, qu’ei aquò ?

Lo projècte de Calandreta qu’ei definit per ua Carta. Que fixa aquesta los principis comuns taus establiments Calandreta e subertot la loa mira : « L’objectiu de Calandreta qu’ei de transméter la lenga e la cultura occitanas taus mainatges tot en assegurant la lor escolarizacion en occitan a partir de l’escòla mairau ». De mei, com ac indica, « Los quatre aspèctes : l’associatiu, lo lingüistic, lo pedagogic e lo de las practicas culturaus occitanas ne’s pòden pas desseparar : qu’ei l’encontre deus quatre qui identifica lo vocable « Calandreta » ».

Telecargar la carta de las calandretas – A4

Telecargar la carta de las calandretas – A3

 ESCòLA EN OCCITAN

« Calandreta » que son establiments escolars on l’occitan ei lenga d’ensenhament e lenga ensenhada de la mairau enlà, puish au primari e au segondari. Lo metòde d’ensenhament utilizat per Calandreta qu’ei dongas l’immersion linguistica dorèca en occitan, entà perméter au mainatge d’aquerir hèra lèu l’occitan e lo francés tot en arrespectant las estructuras de las duas lengas.

La mira de Calandreta en assegurant l’escolorizacion deus mainatges en occitan, mei que mei de favorizar lo bilingüisme prendiu per’mor que’us balha mei d’un avantatge desvolopat dens la rubrica « L’escòla en occitan ».

L’occitan, qu’ei aquò ?

Qu’aperam occitan, aquera lenga latina parlada hens 8 regions deu sud de França, 12 vaths alpencas d’Italia e hens la vath d’Aran en Espanha. Dens los Pirenèus Atlantics, que s’apera tanben « bearnés » e « gascon ». Cada establiment Calandreta que hè compte de la realitat de la practica de la lenga occitana dens lo parçan (vocabulari, accent, etc …). Mei d’indicas.

Escòla laïca e a gratis 

Calandreta qu’ei ua escòla reconeguda per l’Educacion Nacionau. En efèit, qu’ei devath un contracte d’associacion desempuish la signatura deu « Protocòle d’Acòrd » per l’an1994. Qu’ei ua escòla laïca e a gratis qui arrespècta las instruccions oficiaus e segueish lo programa de l’Educacion Nacionau.

Escòsla au servici deu mainatge

Calandreta que desvolopa un metòde de pedagogia qui, dens la practica, hè màgerment compte deus tribalhs deus corrents pedagogics : « Tecnicas Freinet » e « Pedagogia institucionau » e deus psicolingüistas sus l’educacion bilingua en immersion prendiu. Aquesta qu’a per mira de dar la paraula tau mainatge, de’u har vàder autonòme, de regular la vita deu grop e de se’n servir tau com un agent ensenhaire.

escòla associatiVA

Cada establiment Calandreta qu’ei miat per ua associacion, desclarada dens l’encastre de la lei de 1901, e gavidada per un conselh d’administracion de pairs d’escolans. L’associacion deus pairs e l’equipa pedagogica que responen de l’aplicacion de la Carta de Calandreta. Aqueth movement associatiu qu’ei independent de las organizacions politicas, sindicaus o religiosas.

Escòla ligada DAB la vita culturaU DEU PARÇAN

Tau com ei mencionat dens la Carta Calandreta, « cada establiment Calandreta que mia ua accion culturau e que teish ligams dab la vita culturau deu son parçan. Açò que da sens a la lenga peus calandrons (escolans de Calandreta), qu’agulhoa la Calandreta, que mielhora la convivialitat e la coesion enter los pairs qui son membres de l’associacion e de mei que finança un drin lo foncionament de l’establiment ».