PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Tecnicas Freinet : pedagogia activa

La pédagogia Freinet qu’ei ua pedagogia originau, bastida per Célestin Freinet (1896-1966), basada sus l’expression libra deus mainatges : produccion de tèxtes libres, dessenhs libres, correspondéncia inter-escolara, estamperia e jornau escolar, individualizacion deu tribalh etc… , qui’s perpetua uei lo dia e qui ei practicada per ensenhants en França mes tanben peu monde tot.

« L’expression libra per l’estamperia
a l’escòla »

La purmèra innovacion de Freinet qu’ie lo tèxte libre estampat peus mainatges eths medishs. Un tèxte qu’ei redigit librament, a casa o a l’escòla, individuaument o colectivament. Qu’ei causit per la classa entà estar estampat. Qu’ei espleitat gramaticaument. Las questions e los problèmas tirats, d’ordi istoric, geografic, tecnic, etc… que balhan l’escadença de tribalhs de talhèr, de recèrcas documentàrias.

Lo tribalh de grop

Los mainatges que causeishen e que mian tribalhs eths medishs. Au lòc d’ensenhar, lo regent que prepara documents, objèctes, plantas, mineraus. Hèra viste, los mainatges que mian objèctes qui’is interèssa. Lo regent que perpausa aus mainatges de formar librament petits grops de tribalh.

La cooperativa escolara


« La cooperativa escolara », qu’ei a l’encòp lo ligam deu grop, l’apèr  d’autogestion, l’escòla de la democracia. Las amassadas que son setmanèras. Que s’i parla  d’un subjècte important peu moment on prenem decisions collectivament. Decision de participar o pas a un concors ; seleccion de çò qui serà plantat o semiat au casau ; decision sus las crompas ; distribucion de las responsabilitats : eleccion [...]

Com i a un responsable de la cooperativa, elejut, qu’ei eth qui presida los debats, balha la paraula , hè lo compte-rendut [...]

Lo ròtle deu regent que’s limita a véder que tot e’s passa de plan, a préner decisions qui non pòden està’n peus mainatges, a har anar mei viste quan lo debat s’enclòta. »

Le rôle de l’instituteur se limite à veiller à ce que tout se passe bien, à prendre des décisions qui ne peuvent être prises par les enfants, à accélérer un peu lorsque le débat s’enlise. »

La « caisha a questions »
o « l’agenda escolar »

Dens la caisha a questions l’escolan que despausa ua question, a laqueu los autes escolans e responeràn. Se besonh, lo regent que pòt ajudar los mainatges en las lors recèrcas entà portar la lor responsa.

La correspondéncia inter-escolara

Que permet purmèr de motivar l’escritura, la lectura, lo dessenh. Aquò que hè descobrir de faiçon concreta d’autes mòdes de vita, d’autes contèxtes geografics e culturaus. Aquò que crea atentas, miras. Los mainatges que pòden partatjar dab los lors correspondents recèrcas, descobèrtas, lecturas. Que i a tanben un costat afectiu puish a que la comunicacion que’s hè de classa a classa mes tanben de mainatge a mainatge : cadun qu’a lo son correspondent.

Le tribalh libre  

Los escolans qu’elabòran dab lo regent un plan generau de tribalh per la setmana, tot com un plan de tribalh individuau on l’escolan e marca los tribalhs qui vòu har.

Conta -ròtle e auto-correccion

Lo conta-ròtle qu’ei assegurat peu comparèr enter lo plan individuau de tribalh dab lo plan acabat, per l’auto conta-ròtle (ficas auto-correctivas) per l’atribucion d’ua nòta apreciativa de la disciplina, de la netetat e de la vita en comunautat.

La classa-passejada,
« l’estudi deu demiei locau »

Lo mainatge qu’ei e qu’a d’estar enradigat en lo demiei naturau e sociau (tradicions, mentalitats…). Los escolans que van exploran lo lor demiei en « passejadas escolaras ». Quan tornan a l’escòla, qu’escriven las lors impressions en compte-renduts bracs.

Lo « materialisme pedagogic »

Per Freinet, lo materiau escolar qu’a d’estar adapatat. D’on l’importància d’ua situacion especifica de l’escòla (pròcha de la natura, dab casau, verdurèr, espaci de neurissatge) e d’un amainatjament interior (sala comuna peus tribalhs collectius, talhèrs especializats en tribalh manuau o en documentacion etc…).

La paupejada experimentau

Segon Freinet, lo mainatge qu’apren per paupejada experimentau.
« Que s’ageish de deishar los mainatges [...] har las lors descobèrtas pròprias, eventaument de constatar e reconéisher las lors mauescadudas mes tanben d’arribar a escadudas de las bèras de las quaus e pòden sentí’s los autors vertadèrs. Los resultats ? Ua motivacion hèra grana, ua implicacion immediata de cada mainatge, [...] qui aqueseish hidança en si-medish e en las lors possibilitats entà progressar per eth-medish. [...]

Mes que cau senhalar que la pedagogia Freinet contemporanèa qu’ei d’ara enlà vesia deu corrent de la pedagogia institucionau, qui insista suu ròtle de la paraula e deu debat, quan Célestin Freinet e pensava sustot en tèrmis d’organizacion deu tribalh e de cooperacion.

Tecnicas Freinet _ pedagogia actiu