PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

La pedagogia institucionau gesida de la pedagogia Freinet

La pedagogia institucionau elaborada per Fernand Oury (1920-1998), regent qui purmèr èra membre deu movement Freinet, qu’ei un perlongament de la pedagogie Freinet. Fernand Oury qu’a totun romput dab lo movement Freinet.

Que demora fidèu a quauques aspèctes de la classa cooperativa, mes qu’apita de faiçon diferenta las « institucions » deu son foncionar : lo « Qué de nau ?« , « lo conselh ». Per çò de la teoria, que s’inspira de la psicanalisi entà trobar ua plaça a cadun en la classa.

La mira de la pedagogia institucionau qu’ei d’apitar, de crear e de har respectar règlas de vita hens de l’escola, per institucions apropriadas ; Se lo mainatge e ved la classa com un endret dab referéncias, de securitat, de vita, on se pòt reglar las questions, que va chic a chic préner en carga la soa vita d’escolan. Que va guardar e arretrobar los gost d’apréner, peu son engatjament, las soas iniciativas…

Apèrs

L’institucion clau que consista sustot en « lòcs de paraula » hicats en plaça dens las classas. L’enterajuda e la fraternitat qu’existeishen e lo regent que balha tota la soa plaça a la paraula deu mainatge.

Lo qué de nau ?

Lo « qué de nau » qu’ei une temps de paraula jornalèr pendent lo quau, lo matin en arribant, l’escolan e pòt díser a la classa çò qui a hami de’u har partatjar. La mira qu’ei dobla :
- Perméter au mainatge de pausar çò qui l’importa hèra, entà estar mei disponible après e poder entrar dens las activitats escolaras. Qu’ei ua transicion enter l’escola e la maison.
- Encoratjar l’expression orau, en apirtant situacions de comunicacion vertadèra pendent las quaus l’escolan e parla a la classa per’mor qu’a reaument quauquaurren a’u díser.

Lo conselH de classA coopEratiU

Lo conselh de classa cooperatiu qu’ei l’amassada deus escolans on se discuta de tot çò qui pertòca la vita de la classa. Generaument setmanèr, que tracta deu reglament deus conflictes, deus projèctes, de las decisions a préner o tanben de las causas a melhorar.

La pedagogia institucionau qu’arrefusa a barrei l’apressada non-directiva. Un mainatge a qui deisham har tot çò qui ac vòu ne pòt pas aver enveja de vàder gran. Que cau qu’ajan leis en classas qui ne sian pas transgressadas.

Las cintas d’ANAR e
de competéncias

Las cintas de nivèu que permeten aus mainatges d’evaluar la lor escaduda dens tau o tau maine d’activitat de la classa. Mercés au tablèu de cintas aficat en permanéncia dens la classa, los mainatges que saben tostemps on ne son.

Los dus corrents de la pedagogia institucionau

En 1964 qu’estó la scission enter los corrents Fernand Oury e Raymond Fonvieille, cadun se reclamant d’ua « pedagogia institucionau, a duas caras.

L’ua, dont lo cap de còla ei Fernand Oury, qu’ei d’inspiracion psicanalitica, ligada a la psicoterapia institucionau, sustot a Jean Oury e a Félix Guattari. Los mainatges au près de qui e tribalha Fernand Oury que son de l’educacion especializada ; la finalitat qu’ei educaiva mes tanben terapeutica.

L’aute, lo cap de còla qu’ei Raymond Fonvieille, d’inspiracion psico-sociologica e autogestionària, ligada a sociològues com Georges Lapassade, René Lourau et Michel Lobrot. Aquiu, los escolans que son sustot sortits d’ambients sociaus desfavorizats e que son en situacion d’escac escolar màger. Qu’ei meilèu hicat l’accent sus la dimension socio-poloitica e l’analisi d’aquesta dens lo quadre de la classa.

Pedagogia institucionau