PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Collègi Calandreta de Gasconha

Un còp èra ua escòla qui s’aperava Calandreta…
Mercés a la volontat d’ensenhar aus mainatges en occitan (bearnés), la purmèra escòla mairau e primària Calandreta qu’espelí a Pau en 1979. Que’n comptam uei lo dia 54 suu territòri on se parla l’occitan (capvath França).

Au cap de 20 ans d’existir Calandreta que perlonguè aqueth ensenhament au segondari entà qu’agin los escolans la possibilitat de causir e perseguir l’ensenhament immersiu segon los principis pedagogics de Calandreta.

Atau, en 1997, lo purmèr « Collègi Calandreta Leon Còrdas » qu’obrí a Montpelhièr, seguit en 2005 peu noste « Collègi Calandreta de Gasconha » a Pau.

Ua pedagogia en coeréncia dab la deu primari

Quitament se ia ua diferéncia d’estructura e d’organizacion deus cors enter lo primari e lo segondari, los adolescents que son encoratjats a préner la paraula (vita de classa, tribalhs en grops, proposicions e seguida de projèctes dab ajudas exterioras…). De mei, los professors qu’ensajan de favorizar autant com possible los aprentissatges transversaus.

L’equipa pedagogica deu Collègi Calandreta de Gasconha que tribalha en collaboracion dab lo Collègi Calandreta de Montpelhièr entà perpausar los apèrs apropriats.

Un collègi a dimension umana
L’efectiu petit (un quarantenat uei lo dia, un maximum de 80 a tèrmi) que permet un aprentissatge seguit, personalizat e ua mesa en practica de las nocions estudiadas.

L’occitan, lenga d’ensenhament
e d’escambi

Los cors que son balhats en occitan, manca los cors d’anglés, de castelhan e de francés. Los documents que son autant com possible en occitan e l’equipa pedagogica qu’ei particularament atentiva a la practica de la lenga dens la vita de tot dia deu Collègi.

Intervencions pedagogicas

Intervienents exteriors que pòden assegurar talhèrs dens l’encastre deu collègi. Los collegians que participan tanben au dehòra a intervencions de professionaus. Un professor referent que s’encarga de perseguir lo tribalh hicat en plaça dens los talhèrs.

Collègi Calandreta de Gasconha

L’arcuelh deus collegians que’s hè a comptar de 7.45 deu matin.
Oraris deus cors : de 8.15 deu matin a 5.30 deu ser manca lo dimèrcs (8.15-12.00).
La cantina qu’ei assegurada en l’establiment cada dia a mieidia.

9, carrèra André Maginot
BP 91131
64011 Pau PDC

Tel : 05 59 82 12 93
http://collegipau.jimdo.com/