PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Lescar

La Calandreta de Lescar : ua escòla implicada en la vita culturau de la ciutat


L’escòla  occitana Calandreta Lescar qu’obrí en seteme de 1993. Bèthlèu 20 ans !

Uei lo dia, qu’arcuelh un seishantenat de mainats despartits dens 3 classas.
Qu’ei installada dens locaus municipaus au ràs de la piscina. La cantina que’s hè dens ua sala especifica sus siti.

Los oraris escolars : lo matin de 8.45 a 11.45 e lo vrèspe de 1.30 a 4.30.
Ua guarderia qu’ei perpausada a partir de 7.30 deu matin dinc a 6.30 deu ser.
Ua estudi encadrada qu’ei organizada en fin de dia.

L’occitan qu’ei la lenga de comunicacion de l’escòla : en cors, en recreacion, a la cantina…

Pendent l’annada, que perpausam activitats entà amassar los mainats, los pairs e l’equipa pedagogica : arcuelh de la rentrada, ua dimenjada a la montanha entà facilitar l’integracion de las navèras familhas, còca-hava, hèsta de l’escòla…

La nosta associacion (pairs d’escolans) e la nosta escòla (los mainatges e l’equipa pedagogica) que participan activament a la vita culturau de la citat.

Cada an, los mainats que cantan dens l’encastre deu concèrt de la Sent Jan. En deceme de 2011, qu’an obèrt la conferéncia organizada per la mediatèca de Lescar sus Simin Palay dab cantas e poesias d’aqueth poèta occitan. Los pairs qu’apitan hèra de hèitas : Dòba de Nadau, la haja de Sent Jan…

De mei, que participan cada an a « Touskiflot », au Hestenau deu la « Petita mainadèra » a Pau, a la « Hèsta de l’espòrt » a Lescar en junh… Aqueras hèitas que permeten de har conéisher la nosta escòla e d’equilibrar lo budgècte de l’associacion.

Cada an ua conferéncia, obèrta au public, qu’ei animada per un professionau. Que parla de tèmas qui pertòcan lo mainatge e l’escolaritat.

En genèr de 2012, l’escòla qu’a participat aus « Dias de las Familhas » en collaboracion dab lo « Réseau Appui Parent ». Aqueth dia, la calandreta que perpausava talhèrs de descobèrta deus 5 sens taus mainatges e taus pairs (circ, dança, contes, massatges, degustacions…) que s’ei acabada per ua conferéncia sus la plaça de la paraula de cap au desvolopament deus mainatges.

Los associatius e l’equipa pedagogica que preparan d’ara enlà los 20 ans de l’escòla. Las festivitats que’s debanaràn la purmèra dimenjada de junhet de 2013.

Calandreta de Lescar

Carrèra deu Lòctenent deu vaishèth Garnuchot
Rue du Lieutenant du vaisseau Garnuchot
64230 LESCAR

Tél : 05.59.81.06.47  

www.calandreta-lescar.net