PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Pau

Calandreta paulina

L’escòla de Pau qu’ei la purmèra escòla deu movement Calandreta, que vadó 30 ans a, qu’èra per 1980.

Oh que quiò ! Qu’ei mercés a bearnés « Cap e tot », qui volèn que los mainatges e podossin apréner dens la lenga deu país noste, e qui s’inspirèn deu modèle basco dab las loas escòlas associativas « Iskatolak », que la purmèra escòla Calandreta e viengó tà la lutz a Pau !

Pendent 10 ans, qu’arcuelhón en classa unica los mainats dinc a la grana seccion au barri de l’Ipodròm; en 1990, qu’apitèm lo primari. Desempuish alavetz, qu’a gahat l’aviada l’escòla.

Per l’an 1999, qu’arribèm au centre vila. Qu’inaugurèm un navèth annèx sus Masèras-Lesons, desempuish.

Uei, la calandreta paulina que compta mei de 110 mainats despartits en 5 classas.

La nosta arribada au barri deu Heralh qu’afavorí ua implantancion ciutadana , e mei que mei per çò de nostas relacions dab las institucions deu parçan, de las quau la vila de Pau.

Qu’a teishut l’escòla un hialat d’interaccions dab las associacions occitanas paulinas… Que participa au desvolopament de la preséncia de l’occitan dens las hèitas, e subertot per çò de las qui son restacadas a la vita publica…

La creacion deu Collègi Calandreta de Gasconha per l’an 2005 qua ahortit la coeréncia deu projècte, autant deu punt de vista lingüistic com pedagogic.
L’escòla que profieita tanben regularament de l’auhèrta culturau deu centre vila peu mejan de servicis deus musèus, deu cinemà, de las associacions esportivas…

La calandreta paulina, qu’ ei ua escòla qui pren la plaça soa dens lo paisatge educatiu e culturau paulin : subertot, que hè véder per çò deu vesiat l’estacament son en participant arderosament tà la reabilitacion deu son parçan.

Calandreta paulina

13, carrièra Guynemer
64000 Pau

Tel : 05.59.62.45.57

http://www.calandreta-pau.org/