PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Lis

La Calandreta « Lo Casalòt d’Aussau »

Un còp èra, un vilatjòt calorós, nomat Lis, qui com un cèrt vilatjòt gaulés resistiva… Mercès a la perseverança e au vam deus uns e deus autes, de Lis purmèr, e deus autes, vienguts deus vilatges adarron (Bruges, Lovièr de Baish, Capbis, Senta Coloma, …), la nosta escòla Calandreta que vadó en 2002. Mercès a l’implantacion de Calandreta, lo vilatge que guarda ua cèrta vita au centre deu vilatge. La Calandreta qu’ensaja de’s hóner dens la vita, lo paisatge, l’istòria deu son vilatge.

En 2002, qu’aubrim las pòrtas de la Calandreta lissesa dab cinc mainats. Uei lo dia, qu’arcuelhem entre 20 e 30 eslhèves de la Tota Petita Seccion au Cors Mejan 2.

La Calandreta au Lis qu’ei gerida per duas associacions : « Lo Casalòt d’Aussau » entà la partida escolara e « Comptines et Galopins » entà la partida periscolara. Duas associacions qui hican en plaça ua dinamica associativa dab projèctes e hèstas numerosas au Lis o aulhors : concèrts, bals, vueit-graèrs, repeishs, Carnaval, … Qu’ensajam d’estar iniciator de l’originalitat !

La Calandreta que hica en òbra projèctes pedagogics simpatics e originaus qui amian los mainats sus las rotas, a pè, a velò, en trin a la descobèrta deu noste patrimòni naturau, istoric e viu. Ua escòla ubèrta suu son vilatge e virada suu monde qui l’adarron.
L’equipa pedagogica que’s tien presta lo mei qui’s posca tà arcuélher los parents, amuishar e explicar lo tribalh pedagogic, partatjar ad arron l’escolaritat de cada eslhève dab los sons parents, partatjar tanben cap aus projèctes.

Qu’ei mercès a la comuna, aus poblants, aus associatius de Lis qui acompanhan los calandrons* suu camin de la vita e qui’us hèn partatjar la lor passion, que podem díser que i hè bon vàder gran au Lis !

Los oraris escolars que son de 9.00 a 12.00 lo matin e de 1.30 a 4.30 lo vrèspe.
La cantina qu’ei assegurada de mieidia a l’ua òra.

Calandreta deu Lis

16, Camin deu Borg
64260 LIS

Tel : 05.59.05.72.21

Le site de l’école est en construction, en attendant voici la page facebook de notre école : http://www.facebook.com/calandreta.lis

* nom donné aux élèves de Calandreta