PILLS BUY buy adipex-p in USA best store.


Federacion departamentau de las

calandretas deus PirenÈus atlantics

Confederacion de las Calandretas – 

Escòlas associativas

Un ligam estret enter l’associacion e l’establiment escolar

L’associacion qu’ei guaranta deu projècte Calandreta e qu’a un ròtle de gestion, entà assegurar dab los ensenhants lo bon anar de l’escòla.

Las ressorças de l’associacion que vienen de las collectivitats locaus, deus aderents (cotisacions), de las accions apitadas  peus membres (hèsta d’escòla, hèitas de tot escantilh…).

Los pairs deus escolans que son membres de l’associacion e que pagan ua cotisacion anau.

Lo  foncionament associatiu

L’Amassada Generau
L’Amassada Generau ordinària qu’amassa  un còp per an los membres de l’associacion. Que permet de presentar lo bilanç morau e financèr, tanben lo bilanç d’activitats de l’equipa pedagogica.

Lo Conselh d’Administracion
Aquiu que’s prenen las decisions. Lo representant de l’associacion qu’assegura lo foncionament de l’establiment escolar.

Lo Burèu
Lo burèu qu’ei compausat, au mensh, d’un president, d’un secretari e d’un dinerèr. Que tracta deus ahars de tot dia de l’associacion.

Las comissions
Las comissions qu’an per mira de pensar sus tèmas precís e d’apitar accions. Per exemple la Comission « Animacions » que permet d’apitar hèitas com la hèsta de l’escòla, concèrts etc…

En efèit, los pairs que son hèra actius a Calandreta. Qu’organizan vueita-solèrs, repaishs, estanguets, bals, conferéncias, lòtos, hèstas etc… entà har víver e conéisher lo lor establiment escolar.
Quauques exemples ací-devath :

« La Corruda » a Auloron, la « Hèsta » de la calandreta de Pau, la « Dòba de Nadau » en associacion dab l’Esquireta a Lescar, concèrts dab lo grop Nadau, « La Pora au topin de Simòna » a Porciuvas-Bocoa…

Calandreta que participa tanben a las granas encontras culturaus e hestius deu Bearn en alainça dab los actors associatius e institucionaus de valorizacion, promocion e d’espandiment de la lenga e la cultura occitanas  (Ostau Bearnés, Ràdio País, Cfp’òc, Institut Occitan e mantuns autes…) :

Carnaval biarnés e Hestiv’òc a Pau, la « Setmana de la Lenga » a Ortès, « Hestejada aussalesa » en vath d’Aussau, Pòrtas obèrtas « Rota deus vins deu Juranson »…

Hestiv’òc de 2012