Calandreta d’Artics
Purmèra rentrada escolara en 2002
33 calandrons a la rentrada 2021
Cap d’establiment : Sandrine MONTHEIL-CASANAVE
Contact
La Calandreta qu’ei situada au còr d’Artics e que profieita de las infrastructuras de la vila e de la CCLO (bibliotèca, gimnase e piscina).
Qu’ei ua escòla primària (de la TPS dinc au CM2) laïca, associativa e imersiva en occitan.
La pedagogia Calandreta que s’empara sus la pedagogia institucionala e las tecnicas Freinet.
La Calandreta d’Artics qu’accompanha los mainats de cap a ua mei grana autonomia en ajudà’s de la cooperacion enter mainats.
Augan l’escòla que compta 33 calandrons despartits en 2 classas.
La Calandreta qu’a un servici de garderia lo matin e lo ser e ua sala de cantina. Los repaishs que son comandats e recuperats au collègi d’Artics.
Los oraris de classa que son 8h30 – 12h e 14h – 16h30 los diluns, dimars, dijaus e divés.
La garderia deu matin que comença a 7h30 e la deu ser que s’acaba a 18h30.
« Qu’ei lo mainat eth-medish qui’s dèu educa, eslhevà’s dab lo concors deus adultes. Que desplaçam l’acte educatiu : lo centre de l’escòla n’ei pas mei lo regent mes lo mainat. » (Celestin Freinet)