Calandreta Drin a Drin (Espuei)

Visual Portfolio, Posts & Image Gallery for WordPress

espuei-site1

espuei-site4

espuei-site2

espuei-site3

espuei-site

La Calandreta d’Espuei qu’ei la detzau escòla Calandreta deu Bearn. Los pairs qu’an causit lo nom de Drin a drin pr’amor qu’an apitat aqueste bèth projècte a etapas, tà que los mainats s’espandescan dia per dia.

Desempuish la rentrada de 2017, qu’arcuelh mainats de 2 a 7 ans.

Annèx de la Calandreta paulina, que pòt arcuélher uei lo dia un vintenat de calandrons, de la tota petita seccion au CM2.

 L’occitan qu’ei la lenga de l’escòla. Qu’ei presenta a cada moment de la vita deu calandron, de l’arribada a l’escòla dinc a la sortida : guarderia, classa, cantina, recreacion,etc. Lo metòde immersiu que permet ua entrada naturau en la lenga occitana e los aprentissatges.

Los regents que practican la pedagogia institucionau, pedagogia activa qui respècta lo ritme deu mainat en tot l’avivar au monde qui l’atoreja.

 

Los pairs, implicats dens la gestion de l’escòla, que’s son amassats en associacion culturau : la Dineroleta. Qu’organizan un sarròt de projèctes (manifestacions, concèrts, repaishs, vueita-solèrs…) tà sostiéner financèrament la calandreta e har passar la lenga e la cultura occitana en tot lo parçan Est-Bearn

 

Oraris escolars : de 9h a 12h e de 13h30 a 16h30, los diluns, dimars, dijaus e divés.

Guarderia : de 7h30 a 9h e de 16h30 a 18h30.

Cantina : repaish servit a 12h dens la cantina de l’escòla.

0 Shares
Share
Tweet
Share
Pin